‘द बेने मेरिटो’ पुरस्काराने खासदार छ.संभाजीराजे भोसले सन्मानीत

खासदार छ. संभाजीराजे भोसले यांना पोलंड राष्ट्रांकडून ‘द बेने मेरिटो’ पुरस्काराने सन्मानीत करण्यात आले.

नवी दिल्ली, अजय भुजबळ :

पोलंड देशाकडून त्यांच्या देशाच्या नागरिकांना अथवा पोलंड देशाला सहकार्य केल्या बद्दल इतर देशातील नागरिकांना पोलंडच्या परराष्ट्र मंत्रालयातर्फे ‘द बेने मेरिटो’ पुरस्काराने सन्मानित केले जाते. या वर्षी कोल्हापूर येथील छत्रपती घराण्याचे वंशज खासदार छ. संभाजीराजे भोसले यांना या पुरस्काराने सन्मानित करण्यात आले आहे.
दुसऱ्या महायुद्धादरम्यान पोलंडच्या ५००० निर्वासित नागरिकांना छत्रपती राजश्री शाहू महाराजांच्या कार्यकाळात मदतीचा हात पुढे करत सहानुभूती पुर्वक आर्थिक व इतर अत्यावश्यक सेवा उपलब्ध करून देत   दुसऱ्या महायुद्धात होरपळलेल्या पोलिश कुटुंबातील लोकांना मानवतावादी आधारावर राजर्षी शाहू महाराजांनी दत्तक घेतले होते. १९४२ ते १९४९ या कालावधीत भारतामध्ये निर्वासित झालेल्या पोलंड देशातील नागरिकांच्या स्मृती प्रित्यर्थ  १४ सप्टेंबर २०१९ रोजी पोलंडचे उप-परराष्ट्र मंत्री मार्सिन प्रझिडाक आणि भारतातील पोलंडचे राजदूत ॲडम बुराकोव्स्की यांच्या हस्ते भारतातील पोलंड दुतावास कॅम्प येथील आवारात स्मृतीस्तंभाचे अनावरण आणि संग्रहालयाची पायाभरणी करण्यात आली होती. या घटनेला ७० वर्ष पूर्ण झाल्याच्या अनुषंगाने खासदार संभाजीराजे भोसले यांनी पुढाकार घेऊन या कॅम्प मध्ये राहिलेल्यापैकी हयात असणाऱ्या नागरिकांना व त्यांच्या कुटुंबीयांना राज्य अतिथी म्हणून याठिकाणी निमंत्रित करून वळीवडे पोलंड कॅम्पच्या स्मृती जगविण्यासाठी विशेष कार्यक्रमाचे आयोजन केले होते. त्या पार्श्वभूमीवर आज नवी दिल्ली येथे पोलंडचे परराष्ट्र मंत्री झ्बिग्नीव राऊ बोलतांना म्हणाले की ऐतिहासिकदृष्ट्या दुसऱ्या महायुद्धातील थरारक  घटनेचा विसर पडणे शक्य नाही. आम्हाला ही भावना स्मारक आणि संग्रहालयाच्या माध्यमातून जिवंत ठेवायची आहे, ज्यामुळे इंडो-पोलिश संबंध अधिक दृढ होतील. भारत व पोलंड या दोन्ही राष्ट्रांमधील हा ऐतिहासिक बंध पुन्हा जोपासण्यासाठी राजर्षी शाहू महाराज, कोल्हापूरवासीय जनतेचाही सन्मान म्हणून आज देखील खासदार संभाजीराजे भोसले यांनी केलेल्या प्रयत्नांचा गौरव म्हणून आज त्यांना पोलंडचे परराष्ट्र मंत्री झ्बिग्नीव राऊ यांच्या हस्ते त्यांना ‘द बेने मेरिटो’ हा सन्मान आज दिल्ली येथील पोलंड दूतावासात झालेल्या कार्यक्रमात प्रदान करण्यात आला. #अंतरराष्ट्रीय #राजनीति #महाराष्ट्र #पुरस्कार #सन्मान